Мәдениет және өнер қызметкерлерін марапаттау рәсімінен кейін Қазақстанның халық әртісі Мақпал Жүнісова Мемлекет басшысы Қасым-Жомарт Тоқаевқа өзінің үнтаспасын сыйға тартты, деп хабарлайды «24KZ».
Сый тарту сәтінде қысқаша әңгіме өрбіді.
«Аға, мынаны Сізге беруге болады ма?» – деді Мақпал Жүнісова.
«Болады, болады, рақмет Сізге», – деп жауап берді Мемлекет басшысы.
«Көп рақмет», – деді әнші.
«Өзіңізге де рақмет! Аман болыңыз!» – деді Қасым-Жомарт Тоқаев.
Айта кетейік, Қазақстанның халық әртісі Мақпал Жүнісова бүгін Мемлекет басшысының Жарлығымен мәдениет саласындағы еңбегі үшін ІІ дәрежелі «Барыс» орденімен марапатталды.