426,83 518.00 5.87
+7 (7172) 757 485 24kz@khabar.kz
ҚАЗ

Қазақстаннан Үндістанға гуманитарлық көмек жетті

  • 241
  • UPD: 10:24, 14.05.2021

Қазақстан Үндістанға гуманитарлық көмек жіберді. Нью-Дели қаласына  6 миллион медициналық маска, 400 мың респиратор, 50 мың обаға қарсы арнайы киім және елімізде өндірілген 105 жасанды желдету аппараттарын жөнелтті.

Айта кетейік, Үндістанда соңғы тәулікте 300 мыңнан астам адамнан вирус анықталды. Індеттен 4 мыңнан астам науқас көз жұмды. Дерттен жалпы қайтыс болғандардың қарасы 255 мыңға жуықтады.

Химаншу Шекхар, Нью-Дели қаласындағы SCI халықаралық ауруханасының медициналық директоры:

- Ең алдымен, мен және іс жүзінде бүкіл Үндістан халқы дос Қазақстан халқына COVID-19-ға қарсы күресте көрсетілген уақытылы гуманитарлық медициналық көмек үшін алғысымды білдіргім келеді. Аурудың кенеттен өсуі бәрімізді таңқалдырды, бірақ біз 24/7 режимінде пандемиямен тынымсыз күресіп жатырмыз және жақын арада жағдайды бақылауға аламыз деп үміттенеміз. Мен осы күресте Үндістанға көмектесіп жатқан барлық елдерге алғыс айтқым келеді.

Мир Насир Али Хан, кәсіпкер:

- Пандемия кезінде Үндістанға көрсеткен көмегі мен қолдауы үшін Қазақстан Республикасына алғысымды білдіргім келеді. Сіздің қолдауыңыз өте жоғары бағаланады. Баршаңызға үлкен рахмет!

Хабар 24 телеарнасы