Елорда тұрғындары ақауы бар техниканы қайта өңдеуге тегін бере алады

Нұр-Сұлтанда осымен төртінші жыл қатарынан тозған тұрмыстық электр техникасын тегін шығару бойынша қызмет көрсететін «Clean Taxi» тегін экологиялық жобасы жүзеге асырылуда, деп хабарлады елорда әкімдігінің ресми сайты.

Бұл жоба елорданың қоршаған ортаны қорғау және табиғатты пайдалану басқармасының қолдауымен жүзеге асырылды. Бұл тұрғындарға ақауы бар теледидарларды, тоңазытқыштарды, ұсақ тұрмыстық және тағы басқа техниканы қайта өңдеп, ақысыз беруге мүмкіндік жасайды. Тек Clean Taxi қызметіне қоңырау шалса болғаны, ол мекенжайға барып, қажет емес техниканы алып кетеді.

Бүгінгі таңда елордада тұрмыстық электр қалдықтарын жинауға арналған 72 контейнер орнатылды, яғни әр ауданда 18 контейнерден. Жинауға арналған контейнерлерден техниканы шығарып алу оның толуына қарай, екі аптада бір рет жүргізіледі. Олардың әрқайсысына өз учаскелерінің шеберлері бекітілген, олар қызметке резервуардың толық екенін және өңделген техниканы шығару керектігін хабарлайды.

Биыл мамыр айында электронды және электр жабдықтарын талдау бойынша әлеуметтік шеберхана іске қосылды. Ескі заттың бәрін шығарылғаннан кейін дәл осы жерге жіберіледі. Мұнда әрбір электр құрылғысы құрамдас бөліктерге бөлінеді: металл, пластик, шыны, тақталар.

Айта кету керек, әлеуметтік жоба аясында 15 адам жұмысқа орналастырылды.