435,10 496,10 5,68
+7 (7172) 757 485 24kz@khabar.kz

Маңғыстау облысының әкімі наразылық білдірген жаңаөзендіктермен кездесті

  • 164
  • UPD: 15:00, 04.01.2022

Маңғыстау облысының әкімі Нұрлан Ноғаев Жаңаөзенге барып, сұйытылған газ бағасын төмендетуді талап еткен халықпен кездесті, деп хабарлайды Хабар 24.

Президент тапсырмасы бойынша қабылданған шараларды түсіндірді. Әкімнің айтуынша, Премьер-министрдің өкімімен арнайы комиссия құрылды. Үкімет мүшелері ертең Ақтауға барады. Сондай-ақ аймақтағы газ құю бекеттерінің иелері бизнестің әлеуметтік жауапкершілігі аясында автогаздың бір литрін 120 теңгеден 85-90 теңгеге дейін арзандату туралы шешім қабылдағанын жеткізді. Бәсекелестікті қорғау және дамыту агенттігі жекелеген кәсіпкерлерге бағалық сөз байласуы бойынша тергеуді бастағанын да айтты.

Нұрлан Ноғаев, облыс әкімі:

- Үкіметтің хаттамасында қарасаңыздар жазылып тұр. Қазіргі таңда 85-90, бірақ әрі қарай ешқандай заңсыздық болмауы жөнінде Президенттің тапсырмасына сәйкес әділетсіздіктерді, «жабық көлеңкелі тұстарын» жою жөнінде тапсырма берілді.

Хабар 24 телеарнасы