Целлофанға оралған ер адам Екібастұз тұрғынын шошытты

Целлофанға оралған ер адам екібастұздықты шошытты, деп хабарлайды Polisia.kz.

Екібастұз қаласының тұрғыны әдеттегідей таңертең сағат 07:00-де итін серуендету үшін далаға шыққанда, М.Әуезов көшесіндегі үйдің ауласында сыртынан ешқандай тіршілік белгісі жоқ, целлофанға оралған ер адамды байқаған.

Қала тұрғыны бірден полицияға хабарласқан. Оқиға орнына жеткен полицейлер целлофанды ашып жатқан кезде, кенет «мәйіт» орнынан тұрып жүгіре жөнелді.

Белгілі болғандай, бір күн бұрын алкогольді көп ішіп қойған ер адам үйіне жете алмай, жерден целлофан тауып алып, жаңбырдан жасырынамын деп оны үстіне жауып алып, ұйықтап қалған.