Қарағанды облысында қаржы пирамидасын құрғандар ұсталды
Қаржылық мониторинг агенттігінің облыстық департаменті тергеу барысында заңсыз ақша табудың жолын кесті, деп хабарлайды «Хабар 24».
Қылмыстық схема бойынша ұйымдастырушы әр салымшыдан 3 мыңнан бастап 10 мың теңгеге дейін қаражат алып отырған. Жобаға қатысушыларға 10 тәулік ішінде салған қаражатынан 300% және 500% төлеуді уәде еткен.
Әлібек Әбділов, ҚР Қаржылық мониторинг агенттігінің ресми өкілі:
- Тергеу анықтаған белгілер қаржы пирамидасының негізгі белгілеріне жатады. Аталған факті бойынша сотқа дейінгі тергеу басталып, жедел-іздестіру шаралары жүргізілуде. ҚМА азаматтарды қырағы болуға және жинақтарын күмәнді қаржы институттарына салмауға шақырады.