Алматы облысында халық саны көбейді

Алматы облысында халық саны көбейіп жатыр.

Күн сайын облыста  жүзге жуық  нәресте дүниеге  келеді. Қазіргі уақытта өңірдегі жалпы халық саны бір жарым миллион адамнан асты. Туу көрсеткішіне  аналарды  әлеуметтік жағынан қолдау да оң әсер етіп отыр. 

Мира Садықова көпбалалы ана. Қазір алтыншысына аяғы ауыр. Отбасымен екі бөлмелі пәтерде тұрады. Президенттің бала күтіміне берілетін әлеуметтік жәрдемнің және алты айға ұзартылғанын біледі. Мерзімімен бірге көлемі де артса деген үмітте. 

Мира Садықова, қала тұрғыны:

- Бір жасқа дейін алатынбыз. Ұлғайтыпты. Ол көмек қой кәдімгідей балаға. Мемлекет тарапынан көпбалалы ана ертінде әр балаға он сегіз жасқа дейін пасобия аламын.

Облыстық жұмыспен қамту басқармсының мәліметінше, өңірде 44 мыңнан астам ана бала күтіміне берілетін мемлекеттік жәрдемақы алады. 

Айгүл Ахметова, облыстық жұмыспен қамту және әлеуметтік бағдарламалар басқармасының басшысы

- Жәрдемақыны төлеу мерзімі көбейтіліп отыр және бұрын мұндай кезде жұмысқа адам шығып кетсе бір жылдан кейін жәрдемақысы тоқтатылатын. 23 жылдың бірінші қаңтарынан бастап жұмыс істесе де істмесе де күтілім алып отырады. 

Жыл басынан бері Алматы облысында жиырма мың нәресте дүниеге келген. Бұл республика бойынша жоғарғы көрсеткіш саналады. Сол себепті Қонаев қаласында   перинаталдық орталық салу қажет. Ал қалалық көпсалалы аурухананың перзентханасында  күн сайын  он бала туылады. Егіз босанып жатқан аналар да бар. Оларға білікті акушер мамандар жан жақты көмегін көрсетіп жатыр. 

Іңкәр Болатқызы, Балқаш ауданының тұрғыны:

- Біз бір жыл емес, бір жарым жыл емес, үш жылға дейін үйде отырамыз кей жағдайларда. Сол үшін де аналарға жеңілдік деп ойлаймын бір жарым жасқа дейін ұлғайтқаны. Көзқрасымыз жақсы ондай нәрсеге. Біз қуанамыз. 

Заманауи медициналық құралдармен жабдықталған перзентхананы Қарасай ауданында да салу жоспарланып отыр. Өткен жылы ауданда сегіз мың бала дүние есігін ашты.

А. Садуақас, А. Дүйсембаев