Ұлттық қауіпсіздік комитеті Алматыда арнайы операция өткізіп, заңсыз қару айналымының жолын кесті, деп хабарлайды «Хабар 24».

Жедел зерделеу жұмысы кезінде суық қару мен оқ-дәрінің сирек кездесетін түрлерінің саудасы анықталды. Бірақ қаскөйлер құпиялықты қатаң сақтап, түрлі айла-шарғы ойлап тапқан. Осының әсерінен қылмыстық ұйымның жұмысын әшкерелеу қиын болды. Дегенмен құзырлы органдар күдіктінің ізіне түсіп, бірнеше адамды ұстады. Қару-жарақтың негізгі бөлігі шетелдерден жеткізілгені анықталды. Заңсыз айналымнан 12 қару, 2000-нан аса оқ-дәрі, сонымен қатар қымбат пышақ, қанжар, қылыш және жүзі жасырылған қол таяқтар алынды.