Астанада қоғамдық кеңестердің бірлескен отырысы өтті
Онда азаматтардың қауіпсіздігін қамтамасыз ету стратегиясы талқыланды, деп хабарлайды «Хабар 24».
Тиісті құжат 2028 жылға дейінгі тұжырымдамаға сәйкес бекітіледі. Басты мақсат – қазақстандықтардың өмірін, денсаулығын және мүлкін қорғауды күшейту. Концепция әлеуметтік сауалнама нәтижесіне негізделіп әзірленіп жатыр. Барлық ұсыныс Ішкі істер министрлігіне жолданады.
Айта кеткен жөн, ұсыныстардың дені тұрмыстық зорлық-зомбылықтан сақтану шараларына қатысты.
Баян Тойкебаева, ҚР ІІМ қоғамдық кеңес мүшесі:
- Әлеуметтік желіде көп кісілер бар. Барлық ұсынысты жинап, солардың басын бірге құрып, содан жақсы қоғамға тиімді қауіпсіздік концепциясын қабылдағымыз келіп отыр.