Ақмола облысында бағалы металдарды заңсыз өндірумен айналысқан адамдар тобының қызметі тоқтатылды, деп хабарлайды «24KZ».
Қаржылық мониторинг агенттігінің Ақмола облысы бойынша департаменті прокуратураның үйлестіруімен Шортанды ауданы аумағында жедел-іздестіру шараларын жүргізіп, құрамында алтыны бар кенді өңдеуге арналған жасырын цехты анықтады.
Тексеру барысында алтынды ұсақтауға және балқытуға арналған арнайы жабдықтар табылды. Сондай-ақ 446 грамм алтын құймасы, 4 тонна алтын құрамды материал, 6 келі сынап, 2 миллион теңгеден астам қаржы және 8 мың АҚШ доллары тәркіленді.
Сонымен қатар, тінту кезінде қару мен оқ-дәрілер анықталған.
Қазіргі уақытта заңсыз қызметке қатысы бар тұлғалар, сондай-ақ өндірілген бағалы металдардың нақты көлемі анықталып жатыр. Іс бойынша ұйымдастырушы қамауға алынды.
Тергеу жалғасуда.
«24KZ» Telegram-арнасына жазылыңыз