Екібастұзда петардадан қолы күйіп қалған бала ауруханаға жеткізілді
Екібастұзда жарылған петарда баланың қолын күйдірді. Оқыс оқиға кеше болды, деп хабарлайды Pavlodarnews.kz.
2008 жылы туған ер баланың жарылған петардадан зардап шеккені туралы хабарлама кеше сағат 14:20-да келіп түсті. Баланың қолын I дәрежелі күйік шалды. Зардап шеккен ер бала Екібастұздың қалалық ауруханасына жеткізілді.
Сондай-ақ Солнечный кентінде 2019 жылғы сәбидің қол саусақтары үсіген. Балғын қыз Екібастұздың қалалық ауруханасына жеткізілді.
Сонымен қатар Ертіс ауданында 1994 жылғы жігіт қол-аяғын үсіріп алған. Үсік 1-2 дәрежеде. Ол Ертіс аудандық ауруханасына жеткізілді.