Қостанайда тоғыз қабатты үйден өрт шығып, 62 адам эвакуацияланды
Бүгін Абай даңғылындағы тоғыз қабатты үй отқа оранды.
Қызыл жалын тұрмыстық қерек-жарақтар мен жиһаздар сақталған жетінші қабатта тұтанған, деп хабарлайды ТЖД баспасөз қызметі. Кіреберісті қалың түтін басқандықтан, тұрғындар аздап үрейленген.
Оқиға орнында 27 өрт сөндіруші мен 6 техника жұмыс істеді. Зардап шеккендер жоқ.
Өрттің себебі және келтірілген зияны анықталып жатыр.
Авторы: Данияр Сұлтанұлы