426,64 518.00 5.90
+7 (7172) 757 485 24kz@khabar.kz
ҚАЗ

Қызылордада көп қабатты үй өртеніп, 14 адам эвакуацияланды

  • 189
  • UPD: 15:27, 14.05.2021
Қызылордада көп қабатты үй өртеніп, 14 адам эвакуацияланды

Қызылордада көп қабатты үйде болған өрттен 13 адам қауіпсіз жерге шығарылып, өздігінен жүре алмайтын 1 адам құтқарылды, деп хабарлайды ҚазАқпарат.

Оқиға бүгін, 14 мамырда сағат 10:58-де болды. Сол уақытта Қызылорда облыстық төтенше жағдайлар департаментіне хабар келіп түсті. Онда облыс орталығындағы Абай даңғылы бойындағы №48 үйдің бесінші қабатындағы екі пәтердің балконы жанып жатқаны жөнінде айтылған.

«Өрт сөндірушілер оқиға орнына жылдам жетті. Барлау жұмыстарының нәтижесінде оқиғаның мән-жайы анықталды. Өрт сөндірушілердің жедел және біріккен іс-қимылының нәтижесінде жоғарғы қабаттан барлығы 13 адам қауіпсіз жерге шығарылды. Олардың 2-і бала. Сондай-ақ өрттен өздігінен жүре алмайтын бір азаматша құтқарылды. Өрт сағат 11:10-де оқшауланып, 11:18-де толығымен сөндірілді. Өрттің шығу себебі мен шығыны анықталуда», - деп мәлім етті Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметінің баспасөз хатшысы Әлия Ережепова.

Хабар 24 телеарнасы