Жамбыл облысында қаңтар оқиғасы кезінде ұрланған 16 қару және 300 оқ табылды

Жамбыл облысында тағы 16 қару және түрлі калибрлі 300-ден аса оқ табылды.

Қақтығыс кезінде қолды болған қару үйдің шатыры, арық-атыздар, тіпті зираттарға жасырылған. Қазір полицейлер іздеу жұмыстарына күш салып жатыр. Қаңтар оқиғасында жалпы саны 800 қару мен мыңдаған дана оқдәрі ұрланған. Қазір соның тек 300-ге жуығы ғана тәркіленді. Сонымен қатар 11600-ден астам оқ табылды. 500-ден астам қару әлі де табылмай жатыр. Полиция оларды өз еркімен тапсырғандарды жазаламауға кепілдік беріп отыр.

Гүлсара Мұхтарқұлова, облыстық ПД баспасөз хатшысы:

- Полиция департаменті қызметкерлері 16 бірлік қару мен 300-ден астам патронды алды. Табылған қаруларға сот-баллистикалық сараптама тағайындалды.