Ақтауда қаржы пирамидасын құруға қатысты күдікті ұсталды

Ақтауда қаржы пирамидасын құруға қатысы бар әйелге қатысты қылмыстық іс қозғалды.

Экономикалық тергеу департаментінің мәліметінше, тұрғындар «World Business Consulting» компаниясына жарна төлеп келген. Өз кезегінде, ұйым басшысы жаңа салымшылардың ақшасы есебінен қомақты сыйақы беруге уәде беріпті. Осылайша, адамдардың сеніміне кіру арқылы 2018 жылдан бері заңсыз жолмен табыс тапқаны белгілі болды.

Құзырлы орган қызметкерлері компания директорын ұстады.

Күдіктінің арбауына түскен басқа да азаматтар іздестіріліп жатыр.