Павлодар облысында жол апатынан екі адам көз жұмды
Павлодар облысында жол апатынан екі адам қаза тапты, деп хабарлайды Polisia.kz. Апат 23 наурызда 22:50-де Омбы-Майқапшағай тас жолында болған.
Toyota Camry-20 жүргізушісі жолды белгіленбеген жерден өтпек болған 25 жастағы жаяу жүргіншіні қағып кетті. Зардап шеккен азамат оқиға орнында көз жұмды.
– Адам өліміне алып келген екінші жол-көлік оқиғасы дәл осы күні Павлодар-Ленин тас жолында18:30-да болған. 38 жастағы Lada Priora жүргізушісі боран салдарынан көлікті тізгіндей алмай қалып, жақтауға соғылған. Жүргізуші оқиға орнында қаза тапты. Сараптама тағайындалды. Тергеп-тексеру жұмыстары жүргізілуде, – деп хабарлайды Павлодар облысы Полиция департаментінің баспасөз қызметі.