Ақмола облысы ПД басқарма бастығы мен аға жедел уәкілі ұсталды – ҚР ҰҚК

2022 жылғы 10 сәуірде Көкшетау қаласында ҰҚК полицияның жеке қауіпсіздік бөлімшесімен бірлесіп, Ақмола облысы ПД басқарма бастығы мен аға жедел уәкілін ұстады.

Бұл туралы ҚР ҰҚК баспасөз қызметі хабарлады.

Аталған адамдар лауазымдық өкілеттіктерді теріс және асыра пайдаланды деп күдіктелуде.

Процессуалдық іс-шаралар барысында тергеліп жатқан іске қатысы бар ақшалай қаражат алынды.

Ұсталғандарға «қамауда ұстау» бұлтартпау шарасы таңдалды.

ҚР ҚК 361-бабы 2-1-бөлігі және 362-бабы 4-бөлігінің 3-тармағы бойынша сотқа дейінгі тергеу жүргізілуде.