Павлодарда сауда үйінде өртті сөндірмек болған ер адам жарақат алды

«Гулливер» сауда үйінің екінші қабатындағы бутикте шаруашылық тауарлары жанды, деп хабарлайды Pavlodarnews.kz.

Облыстық ТЖД баспасөз қызметінің мәліметінше, 4 шілде күні сағат 23.28-де  Люксембург  көшесі, 113 үй мекенжайында өрт шыққаны туралы хабарлама түскен. 

- Екі шаршы метр алаңда ағаш стеллаждар жанған. 1989 жылы туған ер адам өрт сөндіру бөлімшелері келгенге дейін    қолдағы құралдармен тілсіз жауды сөндіруге әрекет жасаған кезде ойылған жара алды, - дейді департаментте. 

Медициналық апаттар орталығы алғашқы медициналық көмек көрсетті. Зардап шеккен адамды ауруханаға жатқызудың қажеті болмады. Өрт сағат  23.49-да ішінде сөндірілді.