СҚО-да боран кезінде адам жоғалып кетті

Солтүстік Қазақстан облысында боранда жоғалып кеткен ер адам іздестіріліп жатыр.

Айыртау ауданына қарасты Янко бекетінде тұратын інісіне қонаққа келген 45 жастағы жігіт 15 шақырым жердегі ауылы - Жаңасуға жаяулатып шыққан. Бірақ үйіне сол – күйі келмепті. Қазір оны іздеуге полиция, құтқарушылар мен жергілікті тұрғындар жұмылдырылды.  Бүгін ауданда боран күшейіп, жолдар жабылды.   

Тұрлыбек Жамалиденов, Айыртау аудандық ПБ бастығының бірінші орынбасары:

- Жедел іздестіру тобы құрылды. Саны 19 полиция. Айыртау ауданы төтенше жағдайлар бөлімінен 9 қызметкер. Сондай-ақ Солтүстік Қазақстан айыртау ауданының еріктілері мен жұртшылығынан тартылған 10 адам. Техника 4. Барлығы қолданды. Қазіргі кезде іздестіру шаралары өткізіліп жатыр.