Қ.Тоқаев: Қытаймен энергетика саласында орнықты ынтымақ орнатуға мүдделіміз

Энергетика саласындағы ықпалдастық – өңірдің орнықты дамуына әсер ететін басты факторлардың бірі. Ал, Орталық Азияда әлемдегі уран қорының 20%-і, мұнайдың 17%-тен астамы және табиғи газдың 7%-і мен сирек металдардың кені шоғырланған.

«Сондықтан озық технологиялар алмасуға және энергетика инфрақұрылымдарын жаңғыртуға ниеттіміз», - деді Президент. Ал, Қытайдың ядролық энергетиканы дамытудағы бай және табысты тәжірибесін ескеріп, аталған стратегиялық салада орнықты ынтымақ орнатуға мүдделі екенін де жеткізді.

«Жуық арада келісімге қол қоюға дайындаламыз», - деп сөзін түйіндеді Қасым-Жомарт Тоқаев.