Қ. Тоқаев: Қазақстан АҚШ-тың Орталық Азиядағы негізгі экономикалық серіктесі

Астана - Вашингтонның Орталық Азиядағы негізгі экономикалық серіктесі.

АҚШ Президентінің Оңтүстік және Орталық Азиядағы арнаулы өкілі Серджио Горды қабылдаған Мемлекет басшысы осылай деп, стратегиялық серіктестікті жалғастыруға дайын екенін жеткізді. Әңгімелесу барысында сауда-экономикалық ықпалдастықты дамытуға мән берілді. Күн тәртібіндегі халықаралық және өңірлік өзекті мәселелер жөнінде де пікір алмасты. Одан бөлек, АҚШ Президентінің Оңтүстік және Орталық Азия істері бойынша арнаулы өкілі және АҚШ-тың Үндістандағы елшісі лауазымына тағайындалуымен Серджио Горды құттықтап, Қазақстан Үкіметі оның миссиясына жан-жақты қолдау көрсететінін айтты.