Конституциялық реформа – маңызды бастама

Вице-президент институтын құру – елдегі жүйелік тәуекелдер деңгейін айтарлықтай төмендетеді. Мәселен, билік ауысқан сәтте мемлекет тиісті сабақтастық механизмін қолданып, шұғыл әрекет етуге мүмкіндік алады.

Қазақстан Халық партиясы фракциясының жиынында Мәжіліс депутаты Магеррам Магеррамов осылай деді. Ол Мемлекет басшысының бесінші Ұлттық құрылтай отырысында көтерген бастамаларын және елде жүргізіліп жатқан Конституциялық реформаны қолдайтынын жеткізді.