Үкімет цифрлық активтер нарығын еселеу тетіктерін пысықтамақ
Үкімет цифрлық активтер саласын дамыту жөніндегі бірлескен іс-қимыл жоспарын мақұлдады. Маңызды құжат 10 бағытты қамтиды.
Бастама капиталды Қазақстанның ашық әрі айқын қаржы айналымына қайтаруға, жаңа инвестициялық құралдарды қалыптастыруға мүмкіндік береді. Мұнымен қоса, клиенттер мен инвесторлардың құқықтарын қорғауды күшейту де – негізгі басымдықтың бірі. Цифрлық қаржы қызметтері экспортын дамыту мәселесі де назарға алынған. Жоспарлы жұмысты Ұлттық банк жұмысты үйлестіреді. Сонымен қатар іс-шаралардың орындалу мерзімдеріне мониторинг жүргізіліп отырады.
