Қазақстан мен Сербия әскери-техникалық ынтымақтастықты кеңейтпек. Құрылтай екі ел арасындағы тиісті келісімді бірінші оқылымда мақұлдады, деп хабарлайды «24KZ».
Келісімге 2023 жылғы 29 қарашада Белградта қол қойылған. Құжат қару-жарақ пен әскери техниканы өзара жеткізуге, сондай-ақ оларға қызмет көрсету мен жөндеуге мүмкіндік береді.
Бұдан бөлек, тараптар бірлескен ғылыми-зерттеу және тәжірибелік-конструкторлық жұмыстар жүргізе алады. Технологиялар трансфері, әскери-техникалық көмек көрсету, мамандар даярлау және оқыту да келісімде қарастырылған.
Қазақстан мен Сербия қару-жарақ пен әскери техника үлгілерін бірлесіп сынақтан өткізуді де жоспарлап отыр. Бұл ретте екі елдің әскери инфрақұрылымы мен техникалық мүмкіндіктері ескеріледі.
Келісім Қазақстан мен Сербия арасындағы әскери-техникалық байланыстарды дамытуға бағытталған.
«24KZ» Telegram-арнасына жазылыңыз
