419,66 501.30 5.64
+7 (7172) 757 485 24kz@khabar.kz
ҚАЗ

Сенаторлар дипломатиялық қызмет туралы заң жобасын қарады

  • 105
  • UPD: 12:17, 09.02.2021
Сенаторлар дипломатиялық қызмет туралы заң жобасын қарады

Бүгін Сенаттың Халықаралық қатынастар, қорғаныс және қауіпсіздік комитетінің кеңейтілген отырысы болды.

Онда депутаттар «Қазақстан Республикасының дипломатиялық қызметі туралы «Қазақстан Республикасының Заңына өзгерістер мен толықтырулар енгізу туралы» заң жобасын талқылады.

Заң жобасы дипломатиялық қызмет органдарының қызметін одан әрі жетілдіруге, қолданыстағы нормативтік құқықтық актілердегі олқылықтар мен коллизияларды жоюға, Алматы қаласындағы Сыртқы істер министрлігі өкілдігінің заңды мәртебесін бекітуге, сондай-ақ дипломатиялық қызмет персоналы мен ардагерлерінің әлеуметтік қорғалуын арттыруға бағытталған.

Комитет төрағасы Мұхтар Құл-Мұхаммедтің айтуынша, заң жобасын талқылау барысында Сенат депутаттары Мәжіліс мақұлдаған заң жобасына қосымша түзетулер енгізу ұсынып отыр. Мәселен, сенаторлар дипломатия саласы қызметкерлерінің жеке пайдалануына арналған заттар мен техниканы жіберу үшін дипломатиялық поштаны пайдалану мүмкіндігін болдырмау қажет деп санайды. Депутаттар сондай-ақ құқықтық олқылықтарды реттеуді қамтамасыз ететін бірқатар ережені нақтылады.

Құжат Палатаның қарауына жіберілді.

Ақпарат көзі: Сенаттың баспасөз қызметі

Хабар 24 телеарнасы