Эстонияда Қазақстан Тәуелсіздігінің 30 жылдығына орай пошта маркасы шығарылды

Қазақстанның Эстониядағы Елшілігі «Eesti post» пошта операторымен бірлесіп, еліміздің Тәуелсіздігінің 30 жылдығына орай мерейтойлық пошта маркаларын шығару туралы бастама көтерді.

Бұл басылым бұдан бұрын қазақ ақыны және ағартушысы Абай Құнанбайұлының 175 жылдығына және философ Әбу Наср әл-Фарабидің 1150 жылдығына арналған шығарылған мерейтойлық маркалар сериясын жалғастыруда, деп хабарлады ҚР СІМ баспасөз қызметі.