424,46 504.55 5.81
+7 (7172) 757 485 24kz@khabar.kz
ҚАЗ

Канада елшісі өз қызметін аяқтады

  • 89
  • UPD: 13:21, 13.07.2021
Канада елшісі өз қызметін аяқтады ҚР СІМ

Қазақстан Республикасы сыртқы істер министрінің орынбасары Ерлан Әлімбаев біздің елдегі дипломатиялық миссиясының аяқталуына байланысты Канада елшісі Николя Бруссоны қабылдады.

Кездесу барысында сұхбаттасушылар Қазақстан мен Канада арасындағы сауда-экономикалық өзара іс-қимылдың маңызды салалары қатарына ауыл шаруашылығы және жер қойнауын пайдалану, академиялық алмасу, сондай-ақ KazAid және CIDA екі елдің халықаралық даму агенттіктері арасындағы ынтымақтастықы атап өтті, деп хабарлайды ҚР СІМ баспасөз қызметі.

Тараптар 2021 жылғы наурызда екі елдің сыртқы саяси ведомстволары басшыларының орынбасарлары деңгейіндегі саяси консультациялардың табысты өткеніне тоқталды.

Осы тұрғыда елшінің екіжақты саяси, сауда-экономикалық және мәдени-гуманитарлық қатынастарды дамытуға қосқан елеулі үлесі атап өтілді.

Н.Бруссо Канаданың Қазақстандағы елшісі қызметінде төрт жыл қызмет атқарды, осы жылдар ішінде көптеген салаларда екіжақты байланыстар нығайды. Канада Қазақстанның 10 ірі шетелдік инвесторларының қатарына ене отырып, бүгінгі күнге дейін 6 млрд АҚШ доллардан астам көлемде елімізге инвестиция салды.

Н.Бруссоның екіжақты байланыстарды дамытуға қосқан жеке үлесін ескере отырып, канадалық дипломатқа ҚР Президентінің Алғыс хаты табыс етілді.

Хабар 24 телеарнасы