Қ.Тоқаев: Қазақстан Украинаның аумақтық тұтастығын құрметтейді
Украинадағы жағдайға қатысты Қазақстан билігі өз ұстанымын білдірді, деп хабарлайды «Хабар 24».
Осы аптада америкалық National Interest журналында жарық көрген мақаласында еліміздің президенті Қасым-Жомарт Тоқаев «Қазақстан әлемнің басқа елдері сияқты Украинаның аумақтық тұтастығын құрметтейді.» – деп жазды. «Қазақстан мен Ресей әлемдегі ең ұзын шекарасы бар елдер ретінде ерекше қарым-қатынас жасап келеді. Бұған қоса Украинамен де жақын достық қарым-қатынас бар. Біз әлемнің басым бөлігіндегі елдер сияқты Украинаның аумақтық тұтастығын қолдаймыз», – деді Тоқаев. Сонымен қатар ол екі ел арасында болып жатқан қақтығыс Біріккен Ұлттар Ұйымының жарғысына сай тез әрі әділ тұрғыда реттеледі деп сенім білдірді.