Азия ойындары: Шпагашылар Ирина Бакалдина мен Владислава Андреева ширек финалға өтті

Қазақстан құрамасының семсерлесушілері Ирина Бакалдина мен Владислава Андреева Аичи және Нагояда (Жапония) өтіп жатқан 2026 жылғы Азия ойындарында шпагамен айқасудан жекелей сайыста ширек финалға жолдама алды, деп хабарлайды «24KZ» olympic.kz-ке сілтеме жасап.

1/8 финалда Бакалдина Иордания өкілі Дина Мансиді 15:7 есебімен сенімді түрде жеңді.

Ал Андреева Оңтүстік Корея спортшысы Лим Тэхиден 15:13 есебімен басым түсті.

Осылайша, Қазақстанның екі шпагашысы да үздік сегіз спортшының қатарына енді.

«24KZ» Telegram-арнасына жазылыңыз