Токиодағы олимпиада ауылында 2 спортшыдан коронавирус анықталды
Токиодағы олимпиада ауылында спортшылардан коронавирус анықталды.
Шараны ұйымдастырушы комитеттің мәлімдеуінше, дертті екі шетелдік спортшы жұқтырған. Бірақ олардың аты-жөні жарияланбай отыр.
Бұдан бөлек, Олимпиада ауылында тұрмайтын тағы бір атлет, бір тілші, бір жұмысшы және жарыс өткізумен айналысатын 5 қызметкер індетке шалдыққан. Олардың бәрі шетелдіктер екені айтылады.