Дүниежүзілік гимназиадада оқушылар 72 медаль жеңіп алған, оның 28-і алтын, тағы 28-і күміс және 16-сы қола. Бұл туралы білім және ғылым министрі Асхат Аймағамбетов Telegram-да жазды, деп хабарлайды «Хабар 24».

«Оқушыларымыз таеквондо, жүзу, жеңіл атлетика, дзюдо, еркін күрес, семсерлесу, көркем гимнастика, спорттық гимнастика, садақ ату, бокс және әйелдер күресінен өткен жарыстардың жеңімпаздары мен жүлдегерлері атанды» – деді министр. Оның айтуынша, қазақстандық білім алушылар мектеп оқушыларына арналған Дүниежүзілік гимназиадаға алғаш рет қатысып отыр.

«Бүгін Нормандияда жарыстың соңғы күні өтеді. Командаға күш-жігер, қайрат және жаңа жеңістер тілеймін. Біз сендерді мақтан тұтамыз», – деп жазды ведомство басшысы.