476,27 474,60 7,83
+7 (7172) 757 485 24kz@khabar.kz

Александр Бублик Истборн турнирінің ширек финалына өтті

  • 178
  • UPD: 09:48, 23.06.2022
Александр Бублик Истборн турнирінің ширек финалына өтті ҚТФ

Қазақстанның бірінші, әлемнің 39-ракеткасы Александр Бублик Истборн (Ұлыбритания) ATP 250 турнирінің ширек финалына өтті, деп хабарлайды ҚТФ баспасөз қызметі.

Қазақстандық теннисші екінші айналымда дүниежүзілік рейтингте 86-орында тұрған австралиялық Джон Миллманмен шеберлік байқасты. Бублик бірінші партияда 6:4 есебімен басымдылық көрсетті. Екіншісінде қарқынын үдете түсті – 6:2. Бір сағатқа созылған матч барысында Бублик 15 эйс жасап, 3 брейк-пойнтты түгелдей пайдаланды. Қарсыласы эйспен де, брейкпен де көзге түсе алған жоқ. Александр жартылай финалға шығу үшін әлемнің 14-інші, осы жарыстың үшінші ракеткасы, америкалық Тэйлор Фрицпен кездеседі.

Хабар 24 телеарнасы