Отандасымыз Будапешттегі әлем чемпионатында топ жарды

Венгрия астанасы Будапештте функционалдық көпсайыстан өткен «Super World-2024» әлем чемпионатында отандасымыз Роман Джантлеев алтын медаль иеленді, деп хабарлайды 24KZ. Шара ұйымдастырушылары Романды Қазақ елінің Тәуелсіздік күніне орай арнайы марапаттады. Рәсім барысында еліміздің әнұраны орындалып, қатысушылар тарихи сәтті құрметпен қабылдады.

Осылайша, Роман өз жас категориясында 3 дүркін әлем чемпионы атанды. Тағы бір қазақстандық спортшы Валентин Лукановский үздік 7 спортшының қатарына енді. Ал Мақсат Оспанов мұндай деңгейдегі жарыстарға алғаш рет қатысып, 12-ші орыннан көрінді.

Айта кетейік, Будапешт қаласындағы «Super World-2024» әлем біріншілігі 13-15 желтоқсан күндері өтті. Оған 5 құрлықтан келген 40 елдің командалары, 800-ден астам спортшы қатысты.