«Әлем жауынгері» байқауы | Әскер KZ

Ел жауынгерлері халықаралық жарыстарға қатысып келді. Күз басталғалы бірнеше сайыс өтті. Арменияда «Әлем жауынгері» байқауы мәресіне жетті. Ол жыл сайын армия ойындары аясында ұйымдастырылады. Былтыр коронавирус пандемиясының кесірінен біздің сарбаздар халықаралық жарыстарға қатыспай қалып еді. Сөйте тұра бабынан жаңылмапты. Биыл жақсы өнер көрсетті. Армия ойындарында фавориттердің қатарында болды. Жүлделі орындарды еншіледі. Бүгінгі бағдарламада қазақстандық сарбаздардың қандай байқауларға қатысқанын және оларға қалай дайындалғанын айтып береміз.