Еліміздің бес облысында ауа райына байланысты ескерту жарияланды

«Қазгидрометтің» болжауынша ертең, 12 наурызда кей өңірлерде көктайғақ болып, күшті жел тұрады.

Ақтөбе облысының солтүстігінен, солтүстік-шығысынан жел соғады, екпіні 18 м/с жетеді. Батыс Қазақстан облысының оңтүстігінде тұман түседі. Солтүстік-шығыстан жел соғады, түнде облыстың батысында жел екпіні 15-20 м/с жетеді. Қарағанды облысының оңтүстік-батысында тұман, көктайғақ, солтүстікте бұрқасын болуы ықтимал. Шығыс, солтүстік-шығыстан жел соғады, түнде және таңертең облыстың солтүстігінде желдің екпіні 15-20 м/с-ке жетеді. Қызылорда облысының басым бөлігінде күндіз жауын-шашын (жаңбыр, қар) болады. Облыстың солтүстігінде көктайғақ болады. Облыс орталығында тұман түседі. Қызылордада тұман түседі. Солтүстік Қазақстан облысының оңтүстігінде боран соғады. Облыстың батысында тұман күтіледі, сондай-ақ оңтүстік-батысында шығыстан жел соғады, екпіні 15-20 м/с жетеді.