Алдағы үш күнде ауа райы қандай болады

Алдағы үш күнде елдің басым бөлігінде күн райы құбылмалы болады.

Бірқатар аймақта жауын жауып, жел күшейеді. Тұман түседі. Батыс, оңтүстік және оңтүстік-шығыста көктайғақ болады. Синоптиктердің болжауынша, Қарағанды және Шығыс Қазақстан облыстарының оңтүстігінде ауа температурасы 2-7 градусқа дейін көтеріледі.

Алуа Саханова, Қазгидромет РМК инженер-синоптигі:

-Циклонның әсерінен батыста, оңтүстікте, оңтүстік-шығыста көктайғақ күтіледі. Тек Қазақстанның солтүстігінде, солтүстік-батыс антициклонының әсерінен, жауын-шашынсыз ауа райы күтіледі және түнгі температура 17-28 градус аязға дейін төмендейді.