Перуде құны 3 миллион доллар болатын кокаин тәркіленді
Перу полициясы 800 келі кокаин есірткісін қолға түсірді.
Заңсыз жүк Уачо қаласында жеміс-жидек тиеген жүк көлігінің ішінен шықты. Қылмыскерлер оны апельсиннің арасына жасырып алып өтпек болған. Көліктегі екі адам тұтқындалды. Полиция кокаинның қара нарықтағы құны 3 миллион доллар болады дейді.
Дэни Родригес, Перу полициясының есірткімен күрес бөлімі директоры:
- Бұл жүк Орталық Америка елдері арқылы Мексика мен АҚШ-қа жеткізілмек болған деп ойлаймыз. Еуропа нарығында кокаинның әр келісі 35 мың доллар тұратынын ескерсек, қазіргі жүктің құны 3 миллион долларға жуықтайды.