Дизель отынын заңсыз сатқандарға сот үкімі шықты

Алматыда аса ірі көлемде мұнай өнімдерін заңсыз сақтап сатқан кәсіпорынға қатысты сотқа дейінгі тергеу аяқталды, деп хабарлайды «Хабар 24».

«AA Trade Company» ЖШС-нің басшысы 80 тоннаға жуық дизель отынын ешбір құжатсыз, заңсыз сатпақ болғаны анықталған. Қаржылық мониторинг агенттігінің мәлімдеуінше тауар құны 4,6 млн теңге. Заңға қайшы әрекет еткен кәсіпкердің қитұрқы әрекеті дәлелденіп, ол 2 жылға бас бостандығынан айырылды. Үкім шығарарда сот рақымшылықты да ескерген екен.

Әлібек Әбділов, ҚР Қаржылық мониторинг агенттігінің ресми өкілі:

– Құрметті азаматтар мен кәсіпкерлер! Егер сіз жанар-жағармай материалдарын республикадан тыс жерлерге заңсыз әкету немесе сату фактілері туралы хабардар болсаңыз немесе уәкілетті органдармен ұйымдардың қызметтік өкілдіктерді теріс пайдалану фактілеріне тап болсаңыз қаржылық мониторингтік агенттігіне немесе аумақтық департаменттерге тәулік бойы қызмет көрсететін сенім телефондарына хабарласуыңызды сұраймыз.