Брифинг. Республикалық Драма театрлар фестивалi басталды

Қазақстан драма театрларының XXX республикалық фестивалi басталды.

Бұл жолы ол көрнекті жазушы Бердібек Соқпақбаевтың 100 жылдығына арналып отыр. Мұны брифингте Мәдениет және ақпарат министрлігінің өкілдері мәлім етті. Мәдениет комитеті төрағасының орынбасары Азамат Белқайыровтың айтуынша елімізде 57 мемлекеттік театр жұмыс істейді. Оның ішінде 11 республикалық және 46 өңірлік театр бар. Жыл басынан бері шығармашылық ұжымдар 8000-ға жуық қойылымды сахналаса, оның ішінде балалар аудиториясы үшін 4000-ға  жуық қойылым қойылған. Фестиваль 5 қазанға дейін жалғасады.

Азамат Белқайыров, Мәдениет және ақпарат министрлігі Мәдениет комитеті төрағасының орынбасары:

- Қазақстан драма театрларының республикалық фестивалінің негізгі мақсаты - Қазақстанның театр өнерін дамыту, сондай-ақ дәстүрлі негізде дарынды әртістер мен режиссерлерді анықтау және ынталандыру. XXX республикалық фестивалi Бердібек Соқпақбаевтың 100 жылдығына арналады.