Талдау. Әлеуметтік қызметкер

Соңғы кезде бұл мамандық иелері туралы жиі еститін болдық. Атауының өзінде әлеумет деген сөзі бар, демек көпшілікпен жұмыс істейтін адам екенін түсінеміз. Бірақ, қызметінің шеңбері, нақты міндеті әлі де анықталмағандай болып көрінеді. Аталмыш қызметкерлерді қазіргі қоғам - көбіне-көп егде тартқан қарияларға көмек көрсететін адам ретінде қабылдайды. Біз бүгін «әлеуметтік қызметкер» деген асқақ аты бар мамандық иелерінің абырой-беделі туралы бірер ой қозғамақпыз.