Отандық медицина. Катаракта

Статистикалық мәліметтерге қарағанда, катарактамен ауырған адамдардың көбі – жасы ұлғайған және егде тартқан адамдар. 55 жастан кейін әрбір бесінші адамның көз жанарының мөлдірлігі мен созылғыштығында белгілі бір деңгейде өзгерістер болатыны байқалады. Бұл зат алмасу процестерінің нашарлауы катаракта сырқатының пайда болу қаупін едәуір арттыратынын аңғартады. Егер көздің қоректенуін тиісті деңгейде ұстап тұратын профилактикалық шаралар қолға алынбаса, жыл өткен сайын бұл аурудың пайда болу қаупі арта бастайды.