Шетелдік БАҚ: шолу және талдау. Катар ОПЕК құрамынан шықпақ

ОПЕК-ке 57 жылдан астам мүше болған Катар ұйым құрамынан шығады, деп хабарлайды «СиЭнБиСи». Сауд Арабиясының ұстанымымен келіспеген мемлекет осындай шешім қабылдапты, деп жазады мақала авторы Сэм Мередит. Алайда елдің энергетика министрі Саад Шерид аль-Кааби мұның себебін басқаша түсіндіреді. Дохада өткізілген баспасөз мәслихатында министр халықаралық деңгейде салмағын арттырмақ болған Катардың ұзақмерзімдік стратегияны жоспарлағанын мәлімдеді.