Тұтынушы таңдауы І Мұздатылған өнімдер

Күн салқындап, күз түсе бастады. Алайда мынадай жеміс-жидектерді жыл он екі жегіміз келеді. Әрі балғын, әрі дәмді, әрі табиғи. Оның үстіне дәрумендердің де қайнар көзі. Ал табыс табуды көздегендер оны мұздатып сатуды сәнге айналдырды. Жеміс-жидектермен қоса көкөністердің де алуан түрін осылай вакуумды қалталарға салып, жарнамасын да жақсылап жасап қойды. Бірақ олардың барлығы бірдей таңбасында жазылғандай пайдалы ма, табиғи қасиеттері қаншалықты сақталған? Мұндай жемістер мен көкөністерден уланып қалмаймыз ба? Өндірушілер өнімнің тауарлық сипаты кетпес үшін қандай химикаттар қолданады және олар адам денсаулығына қаншалықты зиян? Тұтынушыларды толғандырған бұл сауалдарға бүгін біз де жауап іздеп көруді жөн санадық.