Кепілде тұрған үйлерді сатып алатын кезде нені ескеру керек? | ДомоФОН

Қазір елде сатылып жатқан үйлер көп. Небір хабарлама көресіз. Солардың арасында кепілде тұрған деген айдар тағылғаны тағы бар. Бірі мұндай үйлерді сатып алудан тартынады, шаруасы көп дейді. Құжаттарын жинау үшін табан тоздырасың деп ерінеді. Сөйтіп жүріп алаяқтардың арбауына түсіп қалуың әбден мүмкін деп сескенеді. Енді бірі керісінше мұндай пәтерлерді сатып алуға асық тұрады, өйткені арзанға түседі деп үміттенеді. Шынында солай ма?

Кепілде тұрған үйлердің бағасы басқаларына қарағанда арзандау ма? Мұндай баспана сатып алатын кезде нені ескеру керек? Осыны білмекке сот орындаушыларын сөзге тарып көріп едік, олар бұрындары кепілде болып аукционға түсіп жатқан үйлердің мәселесіне жіті тоқталуды жөн көрді.