«Полицейский болғым келеді». Инклюзивті білім беру Дидар Бекенге қалай әсер етті
Алматы қаласындағы №142 жалпы білім беретін мектептің алтыншы сынып оқушысы Дидар Бекеннің тарихы Қазақстандағы инклюзивті білім беру жүйесінің қалай жұмыс істейтінін көрсетеді. Даму ерекшеліктеріне қарамастан, ол сыныптастарымен бірге оқиды, полицей болуды армандайды және өзін мектеп ұжымының бір бөлігі ретінде сезінеді. Мұғалімдер, логопед, психолог және педагог-ассистент оған қабілеттерін ашуға көмектесіп, сенімділігін қолдап, толыққанды білім алуына жағдай жасайды.