Инклюзивті білім: Ханифаның мектепте достары көп
Инклюзивті білім берудің негізгі қағидаларының бірі – әр баланың сапалы білім алуға тең мүмкіндігі болуы. №205 жалпы білім беретін мектепте бұл қағида нақты тәжірибемен ұштасып келеді. Ханифа да осы ортада білім алып, өзінің қызығушылығы мен қабілетін дамытуға мүмкіндік алған оқушылардың бірі. Мұнда баланы қалыптасқан ортаға бейімдеуден бұрын, оның қажеттілігіне сай қолайлы орта қалыптастыруға мән беріледі. Өйткені инклюзияның басты өлшемі – әр баланың мектеп өміріне толыққанды араласуына мүмкіндік беру.
