Балалар құқығын қорғау

Көптеген елдегі кәмелеттік жасқа толмаған балаларды қорғаудың негізгі қағидалары Бала құқықтары жөніндегі конвенцияға негізделеді. Бұл халықаралық құжатты 1989 жылы Біріккен Ұлттар Ұйымының Бас ассамблеясы қабылдаған. Онда балаларды арнайы қорғау еркіндігіне, денсаулығы және абыройына нұқсан келтірмей, даму мүмкіндіктері, аты-жөні, азаматтығы, дұрыс тамақ, тұрғын үй, бос уақыт өткізу, медициналық қызмет көрсету, білім алу құқықтары, көмекті кез келген жағдайда бірінші болып алу, сауда нысанына айналмау, пайдалану мен қатегіздіктің барлық түрінен қорғау құқықтары қарастырылған. Бұл баршаға ортақ талаптар.