Олимпиада күнделігі: 1 тамыздағы жарыс кестесі

Париж Олимпиадасының кезекті жарыс күнінің кестесін назарларыңызға ұсынамыз.

Бүгін садақ атудан ұлттық құрама мүшелері Дәулеткелді Жаңбырбай мен Александр Еременко сайысқа түседі. Садақ атудан трансляцияның алғашқысы сағат 13:00-ге таман басаталады. Келесісі 21:00-ден кейін көрсетілмек.

Сонымен бірге дзюдодан палуанымыз Нұрлыхан Шархан сағат 13:00-де басталатын белдесуге қатысады. Нысананы көздеу бойынша Арина Алтухова мен Александра Ле 15:00 шамасында өнер көрсетеді.

Ал былғары қолғап шеберлері Назым Қызайбай, Айбек Оралбай және Мұхаммедсабыр Базарбайұлы жұдырық түйістіреді. Шаршы алаңдағы аламан 18:30-дан кете басталады.

Ескерте кетейік, жарыс кестесінің уақыты ауысуы мүмкін. Саңлақтарымызға сәттілік тілейміз!