Биыл бакалавр мамандықтарға 80 мыңға жуық грант бөлінді
Биыл бакалавриат мамандықтарына 80 мыңға жуық грант бөлінді.
Бұл былтырға қарағанда 20 мыңға артық. Гранттардың басым бөлігі, 19 мың грант инженерлік, өңдеу және құрылыс салалары мамандарын дайындауға арналған. Ал педагогикалық мамандыққа 13 мың 735, IT саласына 10 мыңнан аса грант бөлінді. Тағы 8 мың 288 грант жаратылыстану ғЫлымдарына арналды. Жалпы, 2024-2025 оқу жылында бакалавриатқа түсу үшін - 79 мыңға жуық, магистратураға - 13 мыңға жуық, докторантураға 1 мың 900-ден астам грант бөлінген.
Болатбек Әбдірасылов, ҚР ҒЖБМ Ұлттық тестілеу орталығының директоры:
- Жастардың арасында бағыт өзгергенге байланысты, мысалы, бұрын математика-физика екі бейінді пәнді 19 пайыз абитуренттер таңдаса, биыл ол енді математика-физиканы таңдаған балалардың саны 16 пайыз, биология-химия 16 пайыздан артықтау, шығармашылық 13 пайыз, 11 пайыз ол математика-информатика пәнін таңдап отыр.