Халықаралық олимпиада жеңімпазы болған оқушыларға ₸5,5 млн беріледі

Елімізде оқушыларға халықаралық олимпиадалардағы жеңісі үшін 5,5 млн теңгеге дейін беріледі. Бұл туралы Оқу-ағарту министрлігі хабарлады.

Әлемдегі ең беделді білім бәйгелерінің алтыны үшін 1500, күміс үшін 1000, ал қола үшін 500 айлық есептік көрсеткіш мөлшерінде біржолғы сыйақы қарастырылған. Сонымен қатар отандық жоғары оқу орындарының гранты табысталады. Жеңімпаз оқушыларды дайындаған педагогтердің де еңбегі елеусіз қалмайды. Оларға 8 жарымнан 26 жарымға дейін еселенген базалық лауазымдық айлықақы табысталады. Былтыр 23 оқушы мен 20 педагог сыйақы алған.